Çfarë është Golfi? Një Udhëtim në Botën e Golfit për Publikun Shqiptar

Golfi është një sport që shpesh perceptohet si luksi i elitës, por në të vërtetë është një lojë komplekse, strategjike dhe me shumë dimensione fizike e mendore. Në thelb, golfi është një sport ku lojtari synon të fusë një top të vogël në një seri gropash (hole) në një fushë, duke përdorur sa më pak goditje. Çdo gropë ka distancë dhe terren të ndryshëm – bar, rërë, zona uji – dhe lojtari duhet të zgjedhë shkopin e duhur, të planifikojë goditjen dhe të menaxhojë rrugën.

Historia e Golfit dhe Arritjet në Shqipëri

Golfi ka origjinë nga Skocia, ku ishte luajtur që në shekullin e 15-të, dhe është evoluar në një sport global me qindra milionë lojtarë. Por në Shqipëri, ky sport është relativisht i ri.

Federata Shqiptare e Golfit (FSHG) u themelua në 2011 për të formalizuar, promovuar dhe rregulluar zhvillimin e golfit në vend. 

Sipas të dhënave historike, pionerë të këtij sporti në Shqipëri, si Marin Harxhi, kanë luajtur një rol kyç në përhapjen e golfit në vend. Ai ka udhëhequr zhvillimin e Federatës Shqiptare të Golfit në pozicionin e Sekretarit të Përgjithshëm dhe ka kontribuar në prezantimin e saj në arenën ndërkombëtare, duke përfshirë edhe anëtarësimin e Federatës në European Golf Association (EGA).

Nëpër vite, shqiptarë si Hazis Allkja, Erjon Tola, Eitan Mehmeti, Erion Aga, Edmond Mebelli dhe Lulzim Lleshi kanë përfaqësuar Shqipërinë në turne ndërkombëtare. 

Përveç këtyre arritjeve, Hazis Allkja, Erjon Tola dhe Erion Aga ata kanë luajtur një rol kyç në themelimin e Shoqatës së Parë Profesionale të Golfit në Shqipëri, PGA Albania, e cila synon promovimin dhe zhvillimin e golfit në nivel profesional.

Ura e parë lidhëse mes PGA Albania dhe CPG (Confederation of Professional Golf) – organizata ndërkombëtare dhe europiane që bashkon shoqatat profesionale të golfit – u vendos zyrtarisht në vitin 2023. Në atë vit, CPG njohu PGA Albania si shoqatën profesionale të golfit të Shqipërisë, duke e konsoliduar kështu rolin e saj si institucioni zyrtar që përfaqëson dhe zhvillon profesionistët e golfit në vend.

Vlerat dhe Përfitimet e Golfit

Golfi nuk është thjesht sport — është edhe një mësues jete. Lojtarët mësojnë durim, vetëkontroll, përqendrim dhe strategji. Për më tepër, është aktivitet social: turnetë dhe ndeshjet shpesh janë ambiente mikpritjeje dhe bashkëpunimi.

Gjithashtu, golfi po zgjerohet në Shqipëri si një mundësi për turizëm, investime dhe zhvillim lokal. 

“Golfi është jo vetëm një lojë tërheqëse dhe konkurruese, por sjell më afër njerëzit, biznesin, turizmin.” — Marin Harxhi, një nga pionierët e golfit në Shqipëri 

Pse Të Filloni Golfin Sot

Nëse jeni kuriozë dhe dëshironi të provoni diçka ndryshe, golfi mund të jetë rruga juaj. Ai nuk kërkon vetëm forcë, por mendje strategjike — është sfiduese, por shpërbluese. Me federata si FSHG që po punojnë për të krijuar klube dhe turne apo si PGA e cila promovon golfin ne nivel profesional, është koha ideale për të ndërtuar një komunitet golfi në Shqipëri.